Canticanan

01. Ban Brinda Nan

Compositor: Zulaika Geerman
Arreglista: Miguel Genser
Cantantenan: Marylin, Luisette, Ruthmila, Jo-Anne, Haydy i Esline

E cantica aki a worde composita specialmente pa tur nos hendenan special y particularmente pa Thierry Feliciana na kende e CD ta worde dedica.

Thierry mescos cu e otro integrantenan ta miembro di Paranda Ta Nos. E cancion mes ta bisabo bo, reflexiona un rato y pensa si abo por tin un limitacion, nos tur tin cu haya e oportunidad, balor y igualdad. Den temporada di Pasco ban demostra esey.

02. Bunita flor di rosa

Compositor: Martin Quandus
Arreglista: Martin Quandus
Cantante: Miguel Genser

E cantica aki su titulo ta papia pa su mes. Den temporada di Pasco nos tur ta mustra otro cuanto nos ta stima otro. Ban duna otro amor y hopi calor.
03. K' e paranda nos ta bai

Compositor: Zulaika Geerman
Arreglista: Miguel Genser
Cantante: Esline Boekhoudt

Na Aruba solo ta kima hopi fuerte y si awa cai, nada lo no stroba nos di bai k'e paranda. Bisa papi no zundra y bisa mami no zeur pero bula aden hunto cu nos.
 
04. Toquen los cueros

Compositor: D.R.
Arreglista: Paranda Ta Nos
Cantante: Marylin Feliciana

Asina cu Pasco jega tur hende ta bira contento y ta pasa man pa nan tambu y tur ta canta pasobra esaki ta e temporada di mas dushi di aña. Pone tristeza un banda y ban fiesta tur hunto cu Paranda Ta Nos.
 
05. Den un sera di wowo

Compositor: Miguel Genser
Arreglista: Miguel Genser
Cantante: Haydy Boekhoudt

Ta hopi duro cu si for di chikitu nos tabata hunto tur ora y den un sera di wowo bo no tey mas. Ta Papa Dios so por juda mi pasobra esun cu mi ta stima hopi ya no tey mas y den temporada di Pasco bo ta sinti su falta mas hopi.
 
06. Nos niño

Compositor: Jani Donata
Arreglista: Miguel Genser
Cantante: Jani Donata

Dianan di Pasco ta asercando, tur hende ta prepara pa ricibi nos dushi niño. Nos tur sa cu e ta trece hopi amor, bendicion y paz pa henter mundo. Nos mester pidié pa trece hopi bendicion pa Aruba.
 
07. Ayaca di mi Mama

Compositor: Martin Quandus
Arreglista: Martin Quandus
Cantante: Ruthmila Croes

Hopi hende ta traha ayaca, pero tur yiu ta kere cu ayaca di su mama ta esun mas mihor. Pero den temporada di Pasco tur ayaca ta baha bon, specialmente si bo ta come un ayaca bon cajente bou di tononan di Paranda Ta Nos, e ta baha hopi bon.
 
08. El cantar de un angel

Compositor: Zulaika Geerman
Arreglista: Miguel Genser
Cantante: Haydy Boekhoudt

Esaki ta un cantica di Pasco di un Angel den cielo cu ta dedica e cantica na su Mama y cu ta pidi Papa Dios pa cuida su Mama.
09. Otro Pasco otro aña

Compositor: Martin Quandus
Arreglista: Martin Quandus
Cantante: Luisette Boekhoudt

Esaki ta un otro Pasco y un otro aña cu Paranda Ta Nos ta hunto atrobe, den un ambiente familiar, jen di amor y jen di alegria. Mustra otro cuanto nos ta stima otro y keda den union cu otro manera Paranda Ta Nos. Esaki ta un temporada pa nos stima otro y no rabia cu otro. Manera Paranda Ta Nos no tin dos.
 
10. Danki Tata

Compositor: Miguel Genser
Arreglista: Miguel Genser
Cantante: Edjean Semeleer (Artista invita)

For di chikito mi a ripara cu Tata a duna mi un don special pesey mi kier gradicie y pidie pa inspira mi curazon. No ta kedami nada mas di gradicibo Tata. Danki Tata.
 
11. Feliz

Compositor: D.R.
Arreglista: Paranda Ta Nos
Cantante: Jo-Anne Boekhoudt

FELIZ, si Paranda Ta Nos a sera aña FELIZ y awor ta habri temporada di Pasco FELIZ cantando FELIZ, pa henter mundo por ta FELIZ den armonia cu otro. Paranda Ta Nos ta desea henter mundo y Aruba en particular FELIZ dianan di Pasco y un FELIZ aña 2004.